Թուրքիայի քրդական «Ժողովուրդների դեմոկրատական» (HDP) կուսակցության պատգամավորներից Միթհաթ Սանջարը հայտնել է, որ եթե ընտրությունների երկրորդ փուլ չանցնի իրենց թեկնածուն, իրենք պաշտպանելու են «Ժողովրդահանրապետական» (CHP)կուսակցության թեկնածուին, փոխանցում է Sozcu պարբերականը։
HDP-ի պատգամավոր Միթհաթ Սինջարը նշել է, որ եթե իրենց թեկնածու Սելահաթին Դեմիրթաշը բանտից ազատվի եւ մասնակցի քարոզարշավին, ապա իրենք կանցնեն 2-րդ փուլ։
Նա շեշտել է, որ եթե Սելահաթին Դեմիրթաշը չանցնի երկրորդ փուլ, իրենք կաջակցեն CHP-ի թեկնածու Մուհարեմ Ինջեին։
Միթհաթ Սանջարը պնդել է, թե իրենց գլխավոր նպատակն է մեջլիսում հնարավորին շատ տեղեր վերցնել։
Նշենք, որ HDP-ի փոխնախագահներից է Կարո Փայլանը։ Այս տարվա հունիսի 24-ին Թուրքիայում տեղի են ունենալու նախագահական եւ խորհրդարանական ընտրություններ։
