Ցուցարարները Երևանի պետական համալսարան մուտք գործեցին «Միացեք», «Դասադուլ», «Ուսանող, միացիր». «Ազատ, անկախ, ուսանող» «Մենք ենք տերը մեր երկրի» բացականչություններով:
Նիկոլ Փաշինյանը հայտարարեց, որ իրենք բազմաթիվ զանգեր ու ահազանգեր էին ստանում Գավառի համալսարանից, Տնտեսագիտական համալսարանից և այլ բուհերից, թե ուսանողների առաջ դռները փակվել են, և նրանք չեն կարողանում դուրս գալ:
«Մեծագույն խայտառակություն է, երբ որևէ ուսումնական հաստատության դռները փակվում են չափահաս մարդկանց առաջ: Սա Սերժ Սարգսյանի և Հանրապետականի ստեղծած ստահոդ պետության կարևորագույն սիմվոլներից մեկն է»,- հայտարարեց Փաշինյանը՝ ռեկտորներին, ԿԳ նախարարին կոչ անելով վերջ տալ այդ պրակտիկային:
«ԵՊՀ ռեկտորատը բացել էր դռները մեր առաջ, և մենք ողջունում ենք դա: Տեսաք՝ որևէ սարսափելի բան տեղի չունեցավ»,- նշեց Փաշինյանը:
Ամբողջությամբ՝ տեսանյութում:
