Դուբայի անշարժ գույքի շուկան շարունակել է գնային անկում ունենալ այս տարվա առաջին երեք ամիսների ընթացքում՝ վերլուծաբանների կանխատեսումներին համապատասխան։ Ընդ որում, վարձակալումն ավելի է էժանացել, քան սեփականության ձեռք բերումը։
Cavendish Maxwell–ի ավագ խորհրդատու Դհամա Մաննիկեի խոսքերով՝ գների մակարդակի վրա կշարունակի ազդել առաջարկի բարձրացումը։
Անշարժ գույքի գները մեկ տարվա ընթացքում իջել են 2%–ով՝ 2018 թվականի առաջին եռամսյակի ընթացքում, ընդ որում, վարձակալության վճարը նվազել է 5%-ով՝ որոշ շրջաններում։ Վարձակալների համար սա լավ նորություն է, չէ որ Դուբայը ամենաթանկ քաղաքների տասնյակի մեջ է մտնում էլիտար անշարժ գույքի վարձակալման գներով։
Վաճառքի շուկայում գները փոխվել են կախված շրջանից՝ 2,5%-3%–ով։
2018 թվականի առաջին եռամսյակի ընթացքում Դուբայում մոտ 3800 բնակելի միավոր է վարձով տրվել և, ինչպես 2017 թվականին, շինարարության փուլում գտնվող անշարժ գույքի գործարքները կազմել են ընդհանուրի 61%-ը։
