Շնորհակալ եմ «Ելք» դաշինքի իմ գործընկերներին՝ իմ թեկնածությունն առաջադրելու համար, և հույս ունեմ, որ քվեարկության արդյունքներով ցույց կտաք, թե այն տեքստերը, որ ասվում են փոխզսպումների, հակակշիռների մասին, որքանով են իրական: Այսօր՝ Ազգային ժողովում ունեցած եզրափակիչ ելույթում այս մասին ասաց «Ելք» դաշինքից ԱԺ նախագահի պաշտոնում առաջադրված Էդմոն Մարուքյանը:
Մարուքյանի խոսքով՝ անգամ վերջին ելույթների կոնտեքստում ելք կա: «Մենք ցույց ենք տալիս, թե ելույթներն ու գործողությունները որքանով են միմյանցից տարբերվում… Ամեն դեպքում՝ մենք կարծում ենք, որ ելք կա»,- հայտարարեց պատգամավորը:
«Մենք յուրաքանչյուր իրավիճակում ելք ենք առաջարկելու, քանի որ կարծում ենք, որ նույնիսկ այս իրավիճակում ՀՀԿ խմբակցությունն ունի հնարավորություն ավելի լավ որոշումներ կայացնելու, քան այն որոշումները, որոնք արդեն կայացվել են այս դահլիճից դուրս»,- հավելեց Էդմոն Մարուքյանը:
