Կորեական ավտոարտադրող Kia-ն Ֆրանկֆուրտի ավտոսրահի համար հետաքրքիր նորույթ է պատրաստում: Ընկերությունը հասարակության դատին ներկայացվելիք կոնցեպտն անվանում է «դրամատիկական» և նշում, որ այն կծառայի պահանջարկի ուսումնասիրմանն ու նոր լուծումների գնահատմանը:
Դեռևս անուն չունեցող նորույթը մշակվել է Եվրոպայում:
Արտաքինը, ինչպես խոստանում է ընկերությունը, բավականին «զգացնունքային» կլինի, սակայն մենք դեռևս ստիպված ենք բավարարվել մի քանի ոչ պարզ պատկերներով: «Դրա կերպարում համադրված են չարաճճիությունն ու խստությունը, ինքնատիպությունն ու առնականությունը»,- նշում են ընկերությունում՝ ավելի բորբոքելով հասարակության հետաքրքրասիրությունը:
Չնայած որ վերոնշյալ ավտոմեքենան հանդես է գալիս որպես կոնցեպտ, իսկ դրա սերիական արտադրության մասին դեռևս խոսք չկա, նկարագրությունը թույլ է տալիս հուսալ, որ շուտով գնորդներին կսպասի Kia-ի նոր կոմպակտ մոդելն՝ այս կոնցեպտի մոտիվներով:
«B դասի ավտոմեքենաների համար նոր գաղափարների որոնումները, որոնք կհամապատասխանեին ամենապահանջկոտ, ամենայուրօրինակ հաճախորդների պահանջներին, KIA-ի կոնցեպտուալ ուղղություններից մեկն է»,- նշվում է ընկերության հաղորդագրությունում:
