Քննիչները խուզարկություններ են անցկացրել հարավկորեական Samsung ընկերության գրասենյակներում՝ երկրի կառավարմանը անօրինական միջամտության մասին գործի հետաքննության շրջանակում, որի կենտրոնում հայտնվել է նախագահ Պակ Կին Հեն և նրա շրջապատը։ Այս մասին հայտնում է BBC-ն։
Հաղորդվում է, որ քննությունը ստուգում է տեղեկությունն այն մասին, որ Samsung-ը կարող էր ապօրինաբար ֆինանսական օգնություն ցուցաբերած լինել նախագահի ընկերուհու դստերը։ Էլեկտրոնիկա արտադրողը կարող էր 2.8 մլն եվրո ներդնել ընկերությունում, որի համասեփականատերերն են Չհվե Սուն Սիլն ու նրա դուստրը։
Samsung-ի ղեկավարոությունը դեռևս մեկնաբանություն չի անում խուզարկությունների առնչությամբ։
Հարավային Կորեայում քաղաքկան սկանդալը հասունացել էր այն բանից հետո, երբ հոկտեմբերի վերջին JTBC կաբելային հեռուստաալիքի լրագրողները Սեուլի հյուրանոցներից մեկի աղբամանում հայտնաբերել էին պլանշետ, որում եղել էր 2012-14 թթ 200 գաղտնի փաստաթուղթ։ Դրանց թվում եղել էին Պակ Կին Հեի ելույթի 44 սևագրեր։
Պարզվել է, որ նախագահի ելույթի տեքստերը խմբագրել է ընկերուհին, ում ընդդիմությունն անվանում է «գուշակ»։ Քննիչները կասկածում են նրան պետական գործերին միջամտություն ցույց տալու և դիրքը հանուն ֆինանսական շահի կիրառելու մեջ։
Սկանդալի ֆոնին երկրի նախագահի վարկանիշը հասնել է ռեկորդային ցածր ցուցանիշի։
