«Քաղաքացիական այմանագիր» կուսակցության վարչությունը հրաժարականի դիմում է ներկայացրել, հոկտեմբերի 30-ին արտահերթ համաժողով կանցկացվի, կընտրվի վարչության նոր կազմ:
«Քաղաքացիական պայմանագիր» կուսակցության վարչության նախագահ Արայիկ Հարությունյանն «Առաջին լրատվական»- ի հետ զրույցում նշեց, որ վարչության ատահերթ նիստ է գումարվել, որի ժամանակ քնարկվել է կուսակցության վարչության հրաժարականի հարցը: «Գյումրիում և Վանաձորում արձանագրված արդյունքները գոհացուցիչ չէին և քանի որ այդ արդյունքների և առհասարակ կուսակցության քայլերի համար որոշակի պատասխանատվություն է ստանձնել նաև վարչությունը, որոշվեց արտահերթ համաժողով գումարել, որտեղ կընտրվի նոր վարչություն:
Նորմալ երևույթ, երբ կուսակցության անհաջողությունների և ձախողումների դեպքում կուսակցության ղեկավար մարմինը հրաժարական է տալիս: Պատճառներից մեկն էլ այն էր, որ կուսակցության անդամների մի մասը հայտարարեցին, որ այլևս չեն կարող վարչությունում աշխատել»,- նշեց Ա. Հարությունյանը:
Նրա խոսքով՝ ընտրակեղծարարության համակարգը ավելի մեծ է, չի սահմանափակվում ընտրատեղամասերով. «Հազդանի ընտրությունների ժամանակ մենք այնտեղ ամբողջությամբ վերահսկողություն սահմանեցինք, բայց պարտվեցինք ընտրակաշառքին: Ընտրակաշառքը, քաղաքացու կողմից գումար վերցնելը նույնպես ընտրություն է, և եթե մարդը գումար է վերցնում, նշանակում է, որ այն գաղափարները, որ մենք առաջ ենք քաշել կա՛մ իրեն հասանելի չեն, կա՛մ ինքը մերժում է այդ գաղափարները, կա՛մ մենք թերանում ենք այդ գաղափարները նրան ներկայացնելու, որպեսզի ինքն առաջնորդվի այդ գաղափարներով և նախընտրի մեզ քվե տալ, ոչ թե ընտրակաշառք վերցնի:
160- ից ավելի ընտրատեղամասեր են մեր կողմից վերահսկվել: Մենք 90 տոկոսով կարողացել ենք վերահսկել ՏԻՄ ընտրությունները և կարող ենք ասել, որ ընտրողի քվեն ընտրատեղամասի ներսում չի գողացվել»,- նշեց Ա. Հարությունյանը:
Մանրամասները՝ տեսանյութում:
