Ադրբեջանական APA լրատվական գործակալության փոխանցմամբ՝ ԱՄՆ-ում Վրաստանի դեսպան Թեմուր Յակոբաշվիլին, Պոտոմակի ինստիտուտի Ահաբեկչության դեմ պայքարի կենտրոնում ուսանողների ու վերլուծաբանների առջև ելույթ ունենալով, անդրադարձ է կատարել ղարաբաղյան հակամարտության կարգավորմանը.
«Տարածաշրջանի ամենակարևոր խնդիրը ղարաբաղյան հակամարտության կարգավորումն է: Հայաստանում տեղի ունեցող զարգացումներն ուղղակիորեն կապված են Լեռնային Ղարաբաղի հետ: Այս խնդրի լուծման բանալին գտնվում է Ռուսաստանի ձեռքում: Ղարաբաղյան հակամարտության պատճառով չկարգավորված են մնում հայ-թուրքական հարաբերությունները:
Դա խոսում է այն մասին, որ առաջնահերթ խնդիրը պետք է լինի ղարաբաղյան հակամարտության կարգավորման ուղիների փնտրտուքը: Ղարաբաղյան խնդիրը ետին պլան է մղում տարածաշրջանի մյուս խնդիրները: Դրանցից մեկն էլ հանդիսանում է Հայաստանում գտնվող ռուսական ռազմաբազան:
Ինչ վերաբերում է Աբխազիային և Հարավային Օսիային, ապա Վրաստանը ո՛չ 2008 թվականին, ո՛չ էլ հիմա խնդիրներ չունի անջատողականնների հետ, Վրաստանը խնդիր ունի Ռուսաստանի հետ: Այդ պատճառով էլ մենք պահանջում ենք միջազգային խաղաղապահների ժամանումը մեր տարածքներ, և այդ խնդիրը մեզ համար շարունակում է մնալ այժմեական»:
