Բրիտանական Reuters լրատվական գործակալության փոխանցմամբ՝ նավթի համաշխարհային գները շարունակում են նվազել, քանի որ ներդրողները ֆիքսում են ստացված շահույթը, ինչպես նաև շարունակում են մշակել ամերիկյան Baker Hughes նավթագազային սերվիսային ընկերության տվյալները, որոնք առնչվում են ԱՄՆ-ի հորատման սարքերի աճին:
Brent տեսակի նավթի նոյեմբերյան ֆյուչերսների արժեքը նվազել է 0.70 տոկոսով՝ մեկ բարելի դիմաց մինչև 47.98 դոլար, իսկ WTI տեսակի նավթի հոկտեմբերյան ֆյուչերսների արժեքը նվազել է 0.89 տոկոսով՝ մեկ բարելի դիմաց մինչև 45.88 դոլար:
Baker Hughes-ի ներկայացրած տվյալների համաձայն՝ սեպտեմբերի 9-ին ավարտված աշխատանքային շաբաթվա ընթացքում ԱՄՆ-ում հորատման սարքերի թիվն աճել է 11-ով՝ մինչև 508 միավոր:
