Թուրքական Cumhuriyet թերթի փոխանցմամբ՝ ԴԱԻՇ-ը մեծ թվով ահաբեկչություններ է ծրագրել Թուրքիայում, այդ թվում նաև մահապարտների օգտագործմամբ:
Այդ մասին են վկայել 2015 թվականին Անկարայում իրականացված պայթյունի կազմակերպչի տանը հայտնաբերված փաստաթղթերը: Դրանցում խոսք է եղել Անթալիայի գիշերային ակումբներում, Անկարայի կայարանում, Գազիանթեփում հարսանեկան տանը կատարվելիք ահաբեկչությունների մասին:
Որպես ահաբեկիչների առաջնահերթ թիրախներ նշված են Թուրքիայի հարավ-արևելքի ալավիական գյուղերը, Միջերկրական ծովի ափամերձ բնակավայրերը, քրդամետ «Ժողովուրդների դեմոկրատական» կուսակցության և ձախ կուսակցությունների նիստերը:
Թերթի պնդմամբ՝ զինյալները պատրաստել են առնվազն 150 մարդու՝ Թուրքիայի տարածքում ահաբեկչություններ իրականացնելու համար:
