Ալմաթիի օդանավակայանում 3 ամիս մի տղամարդ է ապրում, ով դարձել է սիրո ու անձնագրային հսկողության գերին, հայտնում է vesti.ru-ն:
Ղազախստան պաղեստինցի Մուհամմեդ Ալբախիշտը ժամանել է ԱՄԷ-ից, որտեղ ուներ աշխատանքային բաց արտոնագիր: Գարնանը դրա գործողության ժամկետն ավարտվել է, ավարտվել է նաև ղազախական մուտքի արտոնագրի ժամկետը:
Արդյունքում՝ սիրելիին տեսակցության եկած սիրահարը արգելափակվել է Ալմաթիի օդանավակայանի տարանցիկ գոտում:
Անձնական իրերից տղամարդու մոտ միայն հագուստով ուսապարկն է ու Ղուրանը: Սահմանապահները նրան չեն թողնում դուրս գալ տերմինալի սահմաններից:
Լավն այն է, որ նա օդանավակայանի պատանդ դարձել է ոչ քաղաքական պատճառներով:
Տղամարդը դեռ չգիտի՝ ինչ է կատարվելու իր հետ, ոչ ոք հստակ պատասխան չի տալիս: Նա քաղաքական ապաստան է խնդրել, սակայն մերժվել է:
Մինչ արտոնագրային խնդրի լուծվելն օդանավակայանի աշխատակիցները Մուհամմեդին սնունդ են բերում, իսկ սիրած աղջիկը նրա կեղտոտ շորերն է տանում լվանալու:
Ակամա անազատության մեջ հայտնված տղամարդը կարողանում է միայն քայլել տերմինալով, իսկ մինչ այդ նրա սիրած աղջիկը պատրաստվում է մայրանալ:
