Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին համաձայնագրի վավերացման քննարկումն ու քվեարկությունը հնարավոր է տեղափոխվի ԱԺ աշնանային նստաշրջան: ԱԺ ՀՀԿ խմբակցության ղեկավար Վահրամ Բաղդասարյանն ասում է՝ Ռուսաստանը որևէ ժամկետ չի սահմանել, Հայաստանն ինքն է որոշում ժամկետները:
Ըստ Հայաստանի արտաքին գործերի նախարարի տեղակալ Շավարշ Քոչարյանի՝ Հայաստանի և Ռուսաստանի միջև հակաօդային միասնական համակարգ ստեղծելու գործընթացին երկակի կարելի է մոտենալ:
Հարցին՝ Հայաստանը մտավախություն չունի՞, որ այս համաձայնագրով մեր երկիրը կորցնում է օդային պաշտպանության ոլորտում իր անկախությունը, փոխնախարարն արձագանքեց:
Անդրադառնալով համաձայնագրին՝ ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը նկատեց՝ միավորված հակաօդային պաշտպանության համակարգի ստեղծումը չի ենթադրում, որ Հայաստանն այսօր չունի հակաօդային պաշտպանության համակարգ և պաշտպանությունը Ռուսաստանի հետ համատեղ իրականացնելով՝ Հայաստանը կորցնում է համակարգի նկատմամբ իր իրավունքները:
Նահապետյանը վստահ է՝ այս համաձայնագրով թե´ Հայաստանը և թե´ Ռուսաստանը իրենց ստանձնած պարտավորությունները կկատարեն: Ավելին՝ Հայաստանն է պատրաստակամություն հայտնել արագացնելու այս համաձայնագրի վավերացման գործընթացը:
