ՀՀ կառավարությանն առընթեր քաղաքացիական ավիացիայի գլխավոր վարչության նախկին պետ Արտյոմ Մովսեսյանը այսօր իր «ֆեսբուքյան» էջում անդրադարձել է իր անսպասելի հրաժարականին` գրելով, որ յուրաքանչյուր պաշտոնյա պետք է ինչ-որ ժամանակը մեկ կանգ առնի ու վերագնահատել այն արժեհամակարգը, որտեղ ինքը գործում է ու ապրում:
Ներկայացնում ենք գրությունն ամբողջությամբ:
«Յուրաքանչյուր պետական պաշտոնյա պետք է ինչ-որ ժամանակը մեկ կանգ առնի և փորձի վերագնահատել այն արժեհամակարգը, որտեղ ինքը գործում է ու ապրում: Թե ինչ ժամանակահատվածը մեկ կանգ կառնի, դա կախված է այդ պաշտոնյայի իմաստությունից: Կարծում եմ, սա այն հիմնաքարն է, որից սկսվում է ապագայի կառույցը, և որտեղ անձը հնարավորություն է ունենում իր ապագա որոշումներում լինել առավել ճշմարիտ և համահունչ տվյալ հասարակությանն ու ժամանակաշրջանին»,-գրել է նա։
