ԴԱԻՇ-ը սկսել է ջիհադիստների հավաքագրել սննդամթերքով

Պաշարված Էլ-ֆալուջա քաղաքում ողջ սննդամթերքը գտնվում է ԴԱԻՇ ահաբեկչական խմբավորման գրոհայինների ձեռքում։ Այս մասին հայտնում է Reuters-ը՝ հղում անելով մարտական գործողությունների վայրից փախուստի դիմած անձանց։

Նրանց խոսքով՝ իսլամիստները կիրառում են առկա պաշարները՝ նոր մարտիկների հավաքագրման համար։ «Մեր հարևանին մի պարկ ալյուր էին խոստացել, եթե նրա որդին անցնի իրենց շարքերը։ Նա հրաժարվել է, իսկ երբ ջիհադիստները հեռացել են, քաղաքից փախել է իր ընտանիքի հետ»,- փախստկաններից մեկի խոսքերն է մեջերում գործակալությունը։

Փախուստի դիմած խաղաղ բնակիչների հաղորդմամբ՝ իրենք գումար չունեն. կառավարությունը 2015 թվականից դադարել է վճարել օկուպացված տարածքների բնակիչներին։