Ադրբեջանական Trend լրատվական գործակալության փոխանցմամբ՝ Բաքվում տեղի ունեցած Իրանի, Ռուսաստանի և Ադրբեջանի արտգործնախարարների եռակողմ հանդիպման արդյունքներով ընդունվել է կոմյունիկե։
Կողմերը համաձայնել են ապագայում շարունակել փոխադարձ հարգանքի, գործընկերության և միմյանց գործերին չմիջամտելու սկզբունքի հիման վրա համագործակցությունը։
Երեք երկրների արտգործնախարարները հաստատել են միջազգային իրավունքի նորմերի ու սկզբունքների պահպանմանը հավատարիմ լինելը, որոնք արտացոլված են ՄԱԿ-ի կանոնադրությունում։ Տվյալ համատեքստում հաստատվել է նաև տարածաշրջանի հակամարտությունների լուծմանը հավատարիմ լինելը։
Իրանի, Ռուսաստանի և Ադրբեջանի արտգործնախարարները նաև ընդգծել են նոր մարտահրավերների դեմ պայքարի ուժեղացման կարևորությունը, որոնք սպառնում են տարածաշրջանի կայունությանն ու անվտանգությանը և հաստատել են ահաբեկչության, ծայրահեղականության, թմրավաճառության և այլնի դեմ համատեղ պայքարի պատրաստակամությունը։
Հաստատվել է տնտեսական, էներգետիկ, տրանսպորտային, մշակութային և զբոսաշրջային հարցերի շուրջ եռակող ձևաչափում համագործակցության զագացմանը հավատարիմ լինելը։
Իրանը, Ռուսաստանն ու Ադրբեջանը նաև հաստատել են Կասպից ծովի կարգավիճակի հստակեցման, ամփոփիչ կոնվենցիայի շուտափույթ ստորագրման, ինչպես նաև ծովում խաղաղության ու անվտանգության հաստատման ուղղությամբ ջանքեր գործադրելը շարունակելու կարևորությունը։
