Ռուսական RIA Novosti լրատվական գործակալության փոխանցմամբ՝ Թուրքիայի վարչապետ Ահմեթ Դավութօղլուն հայտարարել է, որ ամբողջ երկրում ձեռնարկվում են անվտանգության հավելյալ միջոցներ, ինչն անհրաժեշտ է Անկարայում իրականացված ահաբեկչությունից հետո:
«Երկրում յուրաքանչյուր խոշոր ահաբեկչությունից հետո մեծանում է անվտանգության հանդեպ ուշադրությունը։ Դա եղել է Նյու Յորքի, Փարիզի ահաբեկչություններից հետո՝ ամենուրեք։ Մեզ մոտ նույն վիճակն է, երկրում ձեռնարկվում են անհրաժեշտ բոլոր միջոցները։ Ամբողջ պատասխանատվությամբ հայտարարում եմ, որ մեր անվտանգության ուժերն աշխատում են զօրուգիշեր»,- ասել է Դավութօղլուն։
