Ռուսական շուկայում թուրքական ապրանքներին կփոխարինեն Իրանից, Մարոկկոյից և Ադրբեջանից մատակարարված ապրանքները։ Այս մասին հայտարարել է Մոսկվայի առևտրի և ծառայությունների վարչության ղեկավար Ալեքսեյ Նեմերյուկը՝ փոխանցում է Gazeta.ru-ն։
«Մարոկկոյի արտադրողները պատրաստ չէին այն ծավալներին, որոնք կարող էին ծանրանալ նրանց վրա, այդ պատճառով էլ ժամանակին՝ Ամանորից առաջ, մանդարինի արժեքը գրեթե կրկնակի բարձրացրել էին: Օգտվել էին իրավիճակից»,- նշել է նա:
Նրա խոսքով՝ Ադրբեջանը կարող է ապահովել լոլիկի և վարունգի մատակարարումները՝ հաշվի առնելով թուրքական նահանգներին մոտ կլիմայական պայմանները, իսկ Իրանից նախատեսվում է մատակարարումներ իրականացնել ավելի ինտենսիվ ռեժիմով՝ ծովային ճանապարհով՝ մինչև Մախաչկալա։
