Չեխիայում պատահական անցորդը հին մետաղադրամերի անգին գանձ է գտել: Այս մասին հաղորդվում է Արևելաչեխական թանգարանի կայքում:
Գտածոն հայտնաբերվել է անցած տարվա նոյեմբերի վերջին, բայց դրա մասին պաշտոնապես հայտարարել են միայն հիմա: Տեղի բնակիչը, որի անունը չի հաղորդվում, գանձը գտել է զբոսանքի ժամանակ:
Նա ուսումնասիրության է հանձնել ավելի քան 400 պահպանված մետաղադրամ և մետաղադրամների ավելի քան 300 մասնիկներ, նաև ամանի մասնիկներ, որի մեջ դրանք պահված են եղել:
Գիտնականները գանձը վերագրում են մոտ X դարին: Ուսումնասիրությունը տևել է մեկ ամսից ավել, որից հետո թանգարանը հայտարարել է սենսացիոն գտածոյի մասին:
Տեղի օրենսդրության համաձայն՝ գաձը պատկանում է շրջանին, որտեղ այն հայտնաբերվել է: Սակայն այն գտնողին պարգև է սպասվում, որի չափն արդեն որոշված է՝ 2 մլն կրոն: Թանգարանում նաև նշել են, որ մոտ ապագայում հատուկ մամլո ասուլիս կանցկացվի: Մետաղադրամները կցուցադրվեն 2016թ. աշնանը:
