Թարմացված լիթիում-իոնային մարտկոցներով Boeing-787 Dreamliner-ի փորձարկումները Ճապոնիայում բարեհաջող են անցել:
Ուղևորատար Boeing 787 Dreamliner-ը վայրէջք է կատարել Տոկիոյի օդանավակայանում՝ երկու ժամ տևած փորձնական թռիչքից հետո, որը կոչված էր ցույց տալու դրա անվտանգ լինելը: Օդանավի սրահում գտնվել են ճապոնական All Nippon Airways ավիաընկերության ղեկավարները, ինչպես նաև Boeing ընկերության նախագահ Ռեյ Քոնները: Այս մասին հայտնում է Rosbalt-ը:
Երեկ Ethiopian Airlines-ը դարձել է առաջին ավիաընկերությունը, որը վերսկսել է Boeing 787-ի շահագործումը: Օդանավը երկժամյա թռիչք է կատարել Ադիս Աբեբայից և բարեհաջող վայրէջք կատարել Քենիայի մայրաքաղաք Նայրոբիում:
Այդ օդանավերից գնել են նաև ամերիկյան United Airlines-ը, լեհական LOT-ը, քաթարական Qatar Airways-ը և հնդկական Air India-ն:
Հիշեցնենք, որ երկշարժիչ Boeing-787 օդանավերի թռիչքները ողջ աշխարհում դադարեցվել էին հունվարի կեսերին՝ այն բանից հետո, երբ ճապոնական ANA ավիաընկերության չվերթը սպասարկող օդանավն արտակարգ վայրէջք էր կայտարել մարտկոցի հրդեհման պատճառով:
