Հելոուինը սկիզբ է առել Շոտլանդիայի և Իռլանդիայի հնագույն բնակիչների՝ կելտերի ավանդույթներից: Հոկտեմբերի 31-ի գիշերը այդ ժողովուրդները նշել են որպես հանգուցյալների հիշատակման օր: Դեռ այն ժամանակ դդումներից ճրագներ էին պատրաստում: Նպատակն այն էր, որ օգնեն մեռյալների հոգիներին գտնելու քավարանի ճանապարհը: Ժամանակակից շատ երկրներ շարունակում են տոնել Հելոուինը:
Gordonua.com-ը ներկայացնում է տարբեր երկրներում Հելոուինի տոնի առանձնահատկությունները:
Գերմանիա
Հելոուինի տոնական արարողությունների կենտրոնը այս երկրում Ֆրանկենշտեյնի ամրոցն է: Ամրոցը լցվում է դիմակավորված մարդկանց ամբոխով: Դահլիճները վերածվում են սարսափի սենյակների:
Ֆրանսիա
Հիմնական արարողությունները տեղի են ունենում Փարիզի մոտակայքում՝ Լիմոժեում և «Դիսնեյլենդում»: Նույն օրը այստեղ անցկացվում է զոմբիների շքերթը: Ֆրանսիացիներն այստեղ են գալիս զվարճանալու և իրենց երևակայության թռիչքը ցուցադրելու համար:
ԱՄՆ
Ամերիկացիները գրեթե մեկ ամիս առաջ են սկսում պատրաստվել այդ տոնին: Հոկտեմբերի սկզբից խանութների ցուցափեղկերը լցվում են Հելոուինի պարագաներով և դիմակահանդեսի հանդերձներով: Հոկտեմբերի 31-ին երեխաները դդումից պատրաստված զամբյուղներով տնից տուն են գնում և քաղցրավենիք խնդրում՝ ասելով Trik or trit՝ «Կյանքդ կամ քաղցրավենիք»: Երեխաների առջև դուռը չբացելը վատ նախանշան է համարվում:
Չինաստան
Չինական Հելոուինը կոչվում է Teng Chieh: Այդ օրը այստեղ հիշում են նախնիներին: Մահացածների նկարների առջև դնում են ուտելիք, ջուր և մոմ: Համարվում է, որ մահացածի հոգին կմոտենա կրակին, ինչպես թիթեռը:
Ուկրաինա
Ուկրաինայում վերջերս են սկսել տոնել Հելոուինը: Հասարակության մի մասը դեռևս չի ընդունում այդ տոնը, նույնիսկ ագրեսիվ է արձագանքում՝ համարելով այն սատանայական ուժերի հետ կապ: Շատ վայրերում հատուկ տոնական ծրագրեր են անցկացվում: Վաճառվում են Հելոուինի պարագաներ և դիմակներ:
