Սերբիան լույս հինգշաբթի գիշերը արգելք է սահմանել իր բոլոր սահմանային կետերում Խորվաթիայից բեռնատար տրանսպորտի և ապրանքների համար, քանի որ Զագրեբում չեն ցանկացել բացել իրենց սահմանները սերբական կողմից ուղևորվող բեռնատար տրանսպորտի համար: Այս մասին հայտնում է RIA Novosti-ն:
Սերբիայի ՆԳՆ ղեկավար Նեբոյշա Ստեֆանովիչն ազգային հեռուստաալիքով ելույթի ընթացքում նշել է, որ այդ գործողություններից վնաս կհասցվի այլ երկրների ձեռնարկատերերին ևս, բայց Բելգրադն այլ ելք չունի, քանի որ հակամիջոցների ներդրմամբ Սերբիան պաշտպանում է իր պետականությունը:
Խորվաթիայից առաջին արձագանքը եղել է այն, որ այնտեղ պատրաստել են համարժեք և նույնիսկ ավելի կոշտ պատասխան՝ ընդհուպ մինչև սերբական անձնագրերով քաղաքացիների մուտքի արգելքը տարածք: Ավելի վաղ Խորվաթիայի վարչապետ Զորան Միլանովիչը հայտարարել էր, որ սերբական վերջնագիրն անթույլատրելի է, և որ Սերբիան ինքը պատասխան չի տալիս դրված հարցերին:
Սերբիայի նկատմամբ Խորվաթիայի գլխավոր պահանջն է՝ համատեղ պաշտպանել սահմանը փախստականներից և այդ մարդկանց վերաուղարկել այլ երկրների հետ սահմանների մոտ:
