Հոլիվուդյան հայտնի դերասան և ռեժիսոր Մել Գիբսոնը հայտնվել է սկանդալի կենտրոնում։ Տհաճ միջադեպը տեղի է ունեցել օրերս՝ իսրայելական կինոյի փառատոնի ժամանակ, որն անցկացվել է Ավստրալիայում։ 59-ամյա Մել Գիբսոնը հրել է կին պապարացուն և թքել նրա վրա, քանի որ պապարացին փորձել է նկարահանել նրան 24-ամյա սիրելիի՝ Ռոզալինդա Ռոսի հետ։ Այս մասին հայտնում է The Daily Mail-ը։
Դերասանը հարձակվել է Daily Telegraph-ի լուսանկարիչ Քրիստի Միլլերի վրա, հրել և սկսել անպատշաճ արտահայտություններ անել։ Սկանդալը շարունակվել է այնքան ժամանակ, մինչև որ դերասանի սիրելին չի խնդրել նրան կանգ առնել։
Դերասանի ներկայացուցիչների խոսքով՝ նման բան տեղի չի ունեցել, և Մել Գիբսոնը պարզապես խնդրել է նրան չնկարել իրենց։
