Քլոե Քարդաշյանի նախկին ամուսին Լամար Օդոմը շարունակում է նախկին կնոջ հետ հանդիպում փնտրել նույնիսկ այն բանից հետո, երբ վերջինս ներկայացրել է իր նոր սիրելիին՝ բասկետբոլիստ Ջեյմս Հարդենին: Այս մասին հայտնում է starslife.ru-ն՝ հղում անելով արևմտյան ԶԼՄ-ներին:
Հաղորդվում է, որ Լամարը նախկին կնոջը սպասել է Բևերլի-Հիլզի SoulCycle սպորտդահլիճի մուտքի մոտ: «Հեռու մնա, ինձ հանգիստ թող»՝ գոռոցների ձայնին մարդիկ են հավաքվել: Պարզվել է՝ նա չի պատրաստվել Քլոեին խփել, պարզապես ցանկացել է խոսել նրա հետ, բայց Քլոեն նման ցանկություն չի ունեցել: Քլոեն փորձել է գնալ, բայց նա բռնել է նրա ձեռքից, որպեսզի կանգնեցնի: Ինչ-որ մեկը հարցրել է՝ ոստիկանություն պե՞տք է կանչել, բայց Օդոմը բղավել է, որ դա չանեն: Այդ պահին Քլոեն դուրս է պրծել, նստել իր մեքենան ու հեռացել:
Ներքին աղբյուրների պնդմամբ՝ մի քանի շաբաթ առաջ նա որերորդ անգամ փոխել է իր հեռախոսահամարը, որովհետև Օդոմն իրեն զզվեցրել է իր զանգերով: Լամարը պարզապես կատաղած է լուրից, որ Քլոեն նոր հարաբերություններ ունի և չի թաքցնում: Հիշեցնենք՝ Քլոեն և Լամարն ամուսնացել են 2009թ. ծանոթությունից մեկ ամիս անց: Ամուսնության վերջին ամիսներին նրանք առանձին են ապրել. Քարդաշյանը հոգնել է ամուսնու թմրակախվածությունից և մշտական դավաճանություններից:
