«Սա կավարտվի հերթական պռավալով, կավարտվի նրանով, որ մարդիկ կասեն՝ հերն էլ անիծած, ընդհանրապես եմ գնում»,- ասաց ԱԺ ՀԱԿ խմբակցության պատգամավոր Հրանտ Բագրատյանը:
Նրա կարծիքով՝ այդ օրենքն այնպես է գրված, որ հնարավոր են երեք տարբերակներ, բայց բացատրություններից չես հասկանում, թե կոնկրետ որ տարբերակի մասին է խոսքը:
«Ես վստահ էլ չեմ, թե հանրապետության նախագահը սա գիտի՞, թե՞ ոչ: Եթե գիտի, նա պարտավոր էր ասել՝ ինչի համար եք տարել այս օրենքը, եղբա՛յր: Ինչի համար որ տարել եք այդ օրենքը, այդպես էլ գրեք»,- հավելեց պատգամավորը:
«Եթե դու ազնիվ գործընկեր ես Ռուսաստանին, ապա այդ մարդը պետք է Ռուսաստան գնա աշխատի ու գա: Այսինքն՝ այս օրենքով դու ուզում ես Ռուսաստանին քցե՞լ: Նման մոտեցումները պատժվում են»,- նշեց Բագրատյանը:
Նրա կարծիքով՝ եթե այս օրենքը ճիշտ լիներ, ապա Ռուսաստանի կողմից էլ պետք է համաձայնագիր լիներ:
«Ըստ էության, մենք ուզում ենք հարկել տրանսֆերտները, այսինքն՝ պետությունն ուզում է քիթը «կոխել» այդտեղ»,- օրենքի վերաբերյալ ասաց Բագրատյանը:
