ՌԴ զինված ուժերի գլխավոր շտաբի հետախուզական վարչությունը ծրագրել է այս տարվա գարնանն իրական միջավայրում փորձարկել հատուկ պատրաստված լաբորատոր մկների,- հայտնել է տեղեկատվական աղբյուրը գլխավոր շտաբում:
«Մկները պետք է փոխարինեն շներին պայթուցիկ նյութերի և ռազմամթերի, փակ և թաքնված տարածքներում մարդկանց հայտնաբերման գործում: Գլխավոր հետախուզական վարչությանը հետաքրքրում են դաշտային պայմանները, իսկ Անվտանգության դաշնային ծառայությանը՝ քաղաքային»,- հայտնել է նա:
Աղբյուրը չի հայտնել գաղտնի փորձարկման վայրը, սակայն հիշեցրել է, որ ռազմական մկներին ակտիվորեն օգտագործում են Իսրայելի անվտանգության ծառայություններն ու բանակը: Նա նշել է կրծողների առավելությունները շների նկատմամբ. դրանք առանձնահատուկ խնամք և հոգատարություն չեն պահանջում, կյանքի կարճ տևողությոան հետ մեկտեղ վարժեցումը տևում է մի քանի շաբաթ, դրանց հոտառությունը գերազանցում է շների հոտառությանը:
«ԵՎՌԱՍՍ» գիտա-տեխնիկական կենտրոնի ներկայացուցիչ Անտոն Վենեդիկտովի խոսքերով՝ մկների առավելությունը շների համեմատ այն է, որ դրանք պակաս ձևավորված նյարդային համակարգ ունեն, այսինքն՝ դրանց մոտ ավելի քիչ է տրամադրության անկման, էմոցիոնալ ֆոնի հավանականությունը: Շունը կարոդղ է լինել անուշադիր, կամակորություն անել, իսկ մկներն ավելի կայուն են:
Վենեդիկտովն ասել է, որ մկներին կարելի է մեկ ամսում 150 հոտ սովորեցնել: Պայթուցիկի հայտանաբերման համար անհրաժեշտ է մի քանի գրամ, զենքը տարբերում են վառոդի և զենքի յուղի հոտով:
Մեկ խմբում սովորաբար ընդգրկվում է 8 մուկ: Վենեդիկտովի խոսքերով՝ գործնականում բոլոր մկներն իրենց միանման են դրսևորում,- փոխանցում է «Իզվեստիա»-ն:
