Մեքսիկայի Տիխուանա քաղաքում՝ ԱՄՆ սահմանի տակ, հայտնաբերվել է նոր թունել, որով հանցագործները մտադիր էին թմրանյութեր փոխադրել։ Այս մասին հայտնում է RIA Novosti-ն։
Թունելի հայտնաբերման վայրում 9 մարդ է ձերբակալվել։ Հաղորդվում է, որ նրանք մասնակից են եղել ստորգետնյա ուղու կառուցմանը։ Շինարարությունը գրեթե ավարտվել էր, թունելը նույնիսկ էլեկտրաֆիկացված է եղել։
Վերջին 10 տարիներին նման թունելների հայտնաբերման դեպքերը հաճախակիացել են։ Իշխանությունները կարծում են, որ թմրանյութերի փոխադրումից բացի՝ դրանք կիրառվել են Մեքսիկայից և Կենտրոնական Ամերիկայի երկրներից արտագաղթածներին ԱՄՆ ապօրինաբար տեղափոխելու համար։
