«Ժողովուրդ» թերթը գրում է. «ՀՀ վարչապետ Հովիկ Աբրահամյանի՝ 2014 թվականի գույքի և եկամուտների հայտարարագրով անցած տարի նրա տարեկան եկամուտը կազմել է 37 մլն 545 հազ. դրամ, որից 7 մլն 545 հազ.-ը նրա տարեկան աշխատավարձն է, իսկ 30 մլն-ը՝ «այլ եկամուտ»:
Նկատենք, որ երբ 2014-ի ապրիլին Հովիկ Աբրահամյանը վարչապետի պաշտոնը ստանձնելիս հայտարարագիր էր ներկայացրել, այնտեղ նշել էր, որ 2014-ի հունվարից մինչև ապրիլի 13-ը նա ունեցել է 44 մլն 110 հազ. դրամի եկամուտ, որից 40 մլնը՝ «այլ եկամուտ», մնացածը եղել է նրա աշխատավարձը: Փաստորեն, վարչապետի պաշտոնը ստանձնելուց հետո Աբրահամյանի փողերն «անհետացել» են: 2014-ի սկզբին նա ունեցել է 270 մլն դրամ և 1 մլն 950 հազ. դոլար, տարեվերջին` 210 մլն դրամ և 1 մլն 800 հազ. դոլար: Ի դեպ, վարչապետի կինը` Ջուլիետա Աբրահամյանը, իր ամուսնուց հարուստ է. նա հայտարարագրել է 35 մլն դրամի եկամուտ` «այլ եկամուտ» նշումով: Իսկ նրա դրամական միջոցները կազմում են 220 միլիոն դրամ և 2 միլիոն 700 հազար դոլար»:
Մանրամասները` թերթի այսօրվա համարում:
