«Ռոստելեկոմը» Երևան քաղաքի խոշորագույն առևտրի կենտրոնի՝ Դալմա Գարդեն Մոլի հետ համագործակցության շրջանակներում անվճար WiFi կապով է ապահովել վերջինիս ողջ հանրային տարածքը:
Միաժամանակ իր բաժանորդների սպասարկումն էլ ավելի դյուրին դարձնելու նպատակով Դալմա Գարդեն Մոլում ընկերությունը բացել է վաճառքի և սպասարկման նոր կետ:
«Հունվար ամսից «Ռոստելեկոմի» տաղավարը գործում է Դալմա Գարդեն Մոլի առաջին հարկում: Մենք շատ ուրախ ենք, որ այս տաղավարն իր նորարարական ոճով և գրավչությամբ մեծ հատաքրքրություն է առաջացրել մոլի այցելուների շրջանում: Միաժամանակ կարևորելով այցելուների կարիքները՝ մենք անվճար WiFi կապով ապահովեցինք առևտրի կենտրոնի տարածքը»,_նշեց «Ռոստելեկոմ» խմբի անդամ ՋԻԷՆՍԻ-ԱԼՖԱ ՓԲԸ գլխավոր տնօրեն Հայկ Ֆարամազյանը:
Նորաբաց վաճառքի և սպասարկման կետում յուրաքանչյուրը կարող է՝
Ծանոթանալ «Ռոստելեկոմի» կողմից մատուցվող ծառայություններին,
Բաժանորդագրվել,
Կատարել ծառայությունների և տարիֆային պլանների փոփոխություն,
Լրացնել դիմումներ,
Ստանալ պարզաբանումներ հարցերի և խնդիրների վերաբերյալ,
Իրականացնել ընկերության ծառայությունների հետ կապված այլ գործառնություններ:
Տեղեկացնենք, որ այն տեղակայված է Դալմա Գարդեն Մոլ առևտրի կենտրոնի առաջին հարկում (Սիթի սուպերմարկետի դիմաց) և գործում է ամեն օր ժամը 10:00-22:00:
2012թ. դեկտեմբերից ՀՀ-ում հեռահաղորդակցության ոլորտի առաջատար օպերատորներից մեկը՝ՋԻԷՆՍԻ-ԱԼՖԱ ՓԲԸ-ն հաջողությամբ մատուցում է ինտերնետ հասանելիության և ֆիքսված հեռախոսակապի ծառայություններ մանրածախ շուկայում Rostelecom ապրանքանիշի ներքո:
2013թ. սեպտեմբեր ամսից ընկերությունը «ՀԻԲՐԻԴ ՍՈԼՅՈՒՇՆԶ» ընկերության հետ համատեղ մատուցում է նոր սերնդի Այփի հեռուստատեսության ծառայությունը ևս:
«Ռոստելեկոմի» ցանցը Հայաստանում կառուցված է օպտիկա-մանրաթելային մալուխով, որի երկարությունը կազմում է ավելի քան 3000 կմ` ծածկելով ՀՀ տարածքի 80%-ը:
Իրանի և Վրաստանի օպերատորների միջոցով «Ռոստելեկոմի» ցանցը փոխկապակցված է տարածաշրջանի հիմնական մայրուղային ցանցերի և տրաֆիկի փոխանակման խոշորագույն կենտրոնների հետ:
Ընկերության կորպորատիվ հաճախորդների ցանկում են խոշորագույն ձեռնարկություններ ու բանկեր, ՀՀ կառավարությունը և պետական մարմիններ, հեռահաղորդակցության ընկերություններ և միջազգային կազմակերպություններ:
Գերժամանակակից տեխնոլոգիաների կիրառումը ընկերությանը հնարավորություն է տալիս լիովին բավարարել ժամանակակից բաժանորդի կարիքները՝ տարածվելով և ծառայությունների հասանելիությունն ապահովելով ՀՀ ողջ տարածքով:
2014թ.-ից ընկերությունը բնակչությանը ծառայություններ է մատուցում Երևան քաղաքի Կենտրոն, Էրեբունի, Նուբարաշեն, Աջափնյակ, Դավիթաշեն, Մալաթիա-Սեբաստիա, Նոր Նորք և Ավան, Արաբկիր վարչական շրջաններում և Աբովյան, Չարենցավան, Հրազդան, Վանաձոր, Գյումրի, Աշտարակ, Մեծամոր, Արմավիր, Մասիս, Արտաշատ, Արարատ, Սևան, Դիլիջան, Իջևան, Կապան, Մարտունի, Ալավերդի և Քաջարան քաղաքներում: Նշված բոլոր քաղաքներում գործում են վաճառքի և սպասարկման սրահներ, ինչպես նաև վաճառակետեր:
