Քենիայի Մոմբասա նավահանգստային քաղաքի իշխանությունները առգրավել են 600 հատ ժանիք, որոնց արտահանումն արգելված է: Ընդհանուր խմբաքանակը կազմում է 2 տոննա` հայտնում է AFP-ն:
«Դրանք մակնշված են եղել որպես դեկորատիվ քարեր ու Տանզանիայից տեղափոխվել են Ինդոնեզիա»,- գործակալությունը մեջբերում է տեղի ոստիկանության աղբյուրի խոսքերը:
Վերջին շրջանում Աֆրիկայի արևելքում փղերն ավելի հաճախ են սատկում որսագողերի ձեռքով: Վերջիններս, աղքատությունից դրդված, փորձում են հիմնականում Չինաստան արտահանել ժանիքները, որտեղ դրանք մեծ պահանջարկ ունեն:
Փղոսկրը պերճանքի իրերի պատրաստման արժեքավոր նյութ է: Փղոսկրի միջազգային առևտուրը արգելված է 1989-ից:
Ավելի վաղ հաղորդվում էր, որ որսագողերը Քենիայում սպանել էին 11 փիղ ու կտրել նրանց ժանիքները:
