Շվեդիայում հավաքարարը առևանգել է գնացքը և բախվել է Սալտշեբադեն քաղաքի բնակելի տներից մեկին,- հաղորդում է The Local-ը: Ըստ պարբերականի տվյալների՝ միջադեպը առանց պատահարների է տեղի ունեցել, քանի որ գնացքում ուղևորներ չեն եղել, իսկ տան հինգ բնակիչները այլ սենյակում են եղել, այն դեպքում, երբ առևանգված գնացքը քարուքանդ է արել խոհանոցը: Ինքը՝ առևանգողը, լուրջ վնասվածքներով հիվանդանոցում է գտնվում:
«Սա ինչ-որ հրաշք է, որ տանը ոչ ոք չի տուժել»,— հայտարարել է թերթին ոստիկանը: Այն տունը, որին բախվել է գնացքը, երեքհարկանի է եղել:
Անվտանգության համար պատասխանող պաշտոնյաները չեն կարող բացատրել, թե ինչպես է երիտասարդ կինը առևանգել գնացքը: Հայտնի է, որ երբ գնացքը դուրս է եկել գծերից, այն ընթացել է ևս 25 մ՝ մինչև տանը բախվելը: «Դա նշանակում է, որ գնացքը շատ ավելի արագ է ընթացել, քան կարելի է»,- համարում է պաշտոնյան:
Այն հանգամանքը, որ հավաքարարը կարողացել է միացնել և ղեկավարել գնացքը, ստիպում է ենթադրել, որ հանցագործը կարող էր աշխատել ուղեկցորդուհի և գործ ունենալ երկաթգծի հետ:
Ներկա դրությամբ, այն երկաթգիծը, որտեղ վթար է տեղի ունեցել, փակ է: Թերթը չի հաղորդում, թե կոնկրետ որտեղ է աշխատել հավաքարարը:
