Նիգերիայի հյուսիս-արևելքում առևանգել են մոտ 30 երեխայի, ենթադրաբար՝ «Բոկո Հարամ» խմբավորման գրոհայինները: Այս մասին հայտնում է BBC-ի ռուսական ծառայությունը:
Բոռնո նահանգի ավագներից մեկը հայտնել է, որ Մաֆա գյուղում տարել են 11 տարեկանից մեծ բոլոր աղջիկներին և 13 տարեկանից մեծ բոլոր տղաներին:
Իսլամիստների հարձակումը եղել է հինգշաբթի օրը, այդ ընթացքում 17 մարդ է զոհվել:
Նիգերիայի կառավարությունը զինյալների հետ բանակցություններ է վարում հարևան Չադի միջնորդությամբ և այդ տարածքում: Կողմերը վերջերս հայտարարել էին, որ պայմանավորվել են կրակի դադարեցման հարցում: Չադը հայտարարել էր, որ շարունակվող բռնության համար պատասխանատու են «Բոկո Հարամի» ներքին հոսանքները, որոնք չեն պահպանում խաղաղ գործընթացը:
Նիգերիան կատարվածի համար մեղադրում է ավազակներին:
