iOS-ի նոր տարբերակում` iOS 8-ում նորացված են «Հաղորդագրությունները» և «Լուսանկարները», QuickType ստեղնաշարը, iCloud Drive-ը և կհայտնվի նոր հավելված` «Առողջություն»: Այս մասին ասվում է Apple-ի մամլո ասուլիսում:
Նոր Tap to Talk գործառույթը թույլ կտա ձայնային հաղորդագրություններ, տեսագրություններ և լուսանկարներ ուղարկել: Օգտատերերը կարող են միաժամանակ մի քանի լուսանկարներ և տեսագրություններ ուղարկել`այդ բոլորը դիտելով հենց զրույցի ընթացքում:
«Լուսանկարներ» հավելվածում խմբագրման գործառույթներն արդեն հասանելի կդառնան մատի մեկ հպումով: Հավելվածը կարող է ավտոմատ կերպով հավասարեցնել հորիզոնը, կարելի է խմբագրել նաև գույները:
«Առողջություն» հավելվածը տեղեկություններ կհավաքի առողջության մասին տարբեր հավելվածներից: HealthKit ծրագրավորման ինտերֆեյսները հնարավորություն կտան տեղեկություններ փոխանակել` առողջության և ֆիտնեսի հավելվածների միջև:
Իհարկե, iOS 8-ն ունի նաև շատ այլ թարմացված գործառույթներ: Այն հասանելի կլինի սեպտեմբերի 17-ից:
