Ֆրանսիայի նախագահ Ֆրանսուա Օլանդի որդին՝ Տոման, դարձել է ցանցահենային հարձակման զոհ: Անհայտ անձինք կոտրել են նրա էլեկտրոնային փոստը՝ փոխանցում է Parisien-ը:
Մարդիկ, որոնց էլեկտրոնային հասցեները պահվել են որպես փաստաբան աշխատող Օլանդի որդու հասցեների գրքում, ստացել են կարճ հաղորդագրություն, որում ասվում է, որ նա լրջորեն օգնության կարիք ունի և հասանելի չի լինի հեռախոսով, այլ միայն էլեկտրոնային փոստով:
Այն հասցեատերերից, ովքեր պատասխանել են նամակին, ցանցահենները դրամական օգնություն են խնդրել:
Փոստարկղի հասանելիությունը վերականգնել Տոմա Օլանդին հաջողվել է մի քանի ժամ անց:
«Վստահեցնում եմ Ձեզ, որ դա պարզապես եղել է իմ փոստարկղի կոտրում: Հուսով եմ, որ Ձեզնից ոչ ոք դեպի Հունաստան մի քանի հազար եվրոյի փոխանցման չի դիմել»,- մեջբերում է թերթը երիտասարդի խոսքերը:
