Դեկտեմբերի 16-ին կայանալիք համընդհանուր ընտրություններում Ճապոնիայի ընդդիմադիր Լիբերալ-դեմոկրատական կուսակցությունը խորհրդարանի ստորին պալատում կստանա մանդատների կեսից ավելին: Այս մասին են վկայում հարցումների արդյունքները՝ փոխանցում է ITAR-TASS-ը:
«Կիոդո» լրատվական գործակալության անցկացրած համազգային հետազոտության տվյալներով՝ լիբերալ-դեմոկրատներին ստորին պալատում բաժին կհասնի 480 աթոռներից 280-ը: Այդ կուսակցությունը իշխանության ղեկին է անցած դարի կեսերից, մեծ ներդրում ունի երկրի տնտեսական հաջողություններում, սակայն ձախողում է ունեցել 2009 թվականի հանընդհանուր ընտրություններում:
Ինչպես երևում է հարցումների տվյալներից, ընտրողները կրկին պատաստ են երկիրը վստահելու նրանց, քանի որ հիասթափվել են իշխող Դեմոկրատական կուսակցությունից, որը չի կարողացել կատարել իր նախընտրական խոստումները՝ մասնավորապես սոցիալական ոլորտում: Հետազոտությունը ցույց է տալիս, որ կուսակցությունը 70 տեղ կստանա:
Արդեն դեկտեմբերին երկրի նոր վարչապետ կընտրվի լիբերալ-դեմոկրատների առաջնորդ Սինձո Աբէն, որը նույն պաշտոնում եղել է նաև 2006-2007 թթ.:
