Չինաստանի թերթերից մեկը լրջորեն է ընդունել ամերիկյան երգիծական կայքի հոդվածն այն մասին, որ Հյուսիսային Կորեայի առաջնորդ Կիմ Չեն Ինը ճանաչվել է «աշխարհի ամենասեքսուալ տղամարդ»: Այս մասին գրում է «Ռոսբալտը»:
«Անհավանական գեղեցիկ, կլոր դեմքով, մանկական հմայքով ու առնական կազմվածքով. Փխենյանում ծնված այդ սրտակերը բոլոր կանանց երազանքն է»,- ասվում է Onion երգիծական կայքում, որից էլ մեջբերումներ է կատարում կորեական «Ժենմին Ժիբաոն»:
Թերթը նաև մեջբերումներ է կատարել երգիծական հանդեսի խմբագրի խոսքերից, որը պնդում է, որ «նա ունի միաժամանակ և՛ կատարյալ հմայիչ, և՛ առնական մաչո լինելու բացառիկ կարողություն»:
Հրատարակությունը տպագրել էր Հյուսիսային Կորեայի առաջնորդի 55 լուսանկարներ, որոնք «հաստատում են» նրա «տիտղոսը»:
