Թուրքիայի իշխանությունները կոչ են արել ՄԱԿ-ին շտապողականություն դրսևորել հարևան Սիրիայից փախստականների ճամբարների կազմակերպման գործում: Թուրքիայի արտգործնախարար ԱհմեդԴավութօղլուն հայտարարել է, որ իր երկիրն արդեն չի կարողանում վերահսկել փախստականների հոսքը, որոնք ցանկանում են անցնել թուրքական տարածք: Այս մասին հաղորդում է RBK-ն:
Դավութօղլուն բազմիցս կոչ է արել ՄԱԿ-ին Սիրիայի հյուսիսում ստեղծել բուֆերային գոտի, որտեղ կարող են անվտանգ ապաստանել փախստականները: Նա հայտարարել է, որ Թուրքիան չի կարող տեղավորել ավելի քան 100 հազար փախստականի, որոնց թիվը օրական 4000-ով ավելանում է:
Օգոստոսի 25-ին ՄԱԿ-ի` փախստականների հարցերով գործակալության զեկույցի տվյալներով` սիրիացի փախստականներն ամենաշատը Թուրքիա են գնում: Ներկայումս այնտեղ գտնվում է ավելի քան 74 հազար փախստական, ևս 61 հազարը ապաստանել են Հորդանանում: Ավելի քիչ թվով սիրիացի փախստակնների ապաստան են դարձել Իրանը, Իրաքն ու Լիբանան:
