GoodGuide.com կայքը կազմել է սմարթֆոնների վարկանիշային տասնյակը` ըստ շրջապատող միջավայրի վրա թողած նրանց բացասական ազդեցության:
Կայքի մասնագետներն ուսումնասիրել են աշխարհի 16 առաջատար արտադրողների 567 տարբեր հեռախոսներ և լիցքավորող սարքեր, որոնք ներկայացված են ԱՄՆ շուկայում:
Վարկանիշը կազմողները հաշվի են առել այն բոլոր գործոնները, որոնք կարող են ազդել միջավայրի վրա. մասերը, որոնցից կազմված են հեռախոսները, նրանց էլեկտրաարդյունավետությունն ու ուտիլիզացնելու հնարավորությունը:
Մասնագետները նաև ուշադրություն են դարձրել արտադրողների կողմից սարքի մասին մանրամասներ հայտնելու պատրաստակամությանը:
Ըստ այդմ` «ամենականաչ» հեռախոս է ճանաչվել Nokia C 6-ը, երկրորդ տեղն է գրավել Samsung Blue Earth-ը, երրորդ տեղը` Apple ընկերությունը: Իսկ շրջապատող միջավայրի վրա ամենավատ ազդեցությունն են թողնում կանադական Research In Motion-ը (RIM), որը թողարկում է BlackBerry հեռախոսները:
Էկոլոգիայի համար ամենավտանգավոր հեռախոս է ճանաչվել BlackBerry-ի Bold 9000 մոդելը, վերջից երկրորդ տեղում է LG 620-ը, երրորդ` Garmin-Asus Garminfone-ը:
GoodGuide.com-ի հիմնադիր Դարա Օ՛Ռուրկը պարզաբանել է, թե ինչու «խնձորային» և «մոշային» սմարթֆոնները չեն ստացել բարձր գնահատական. նրա խոսքերով, Apple-ը և RIM-ը չեն բացահայտում այն տվյալները, թե ինչ նյութերից են բաղկացած իրենց հեռախոսները:
Ըստ GoodGuide.com-ի էկոլոգիապես ամենամաքուր սմարթֆոնների վարկանիշը հետևյալն է.
1. Nokia
2. Sony Ericsson
3. Apple
4. Pantech
5. Palm
6. Kyocera Sanyo
7. Motorola
8. HTC
9. Samsung
10. Curitel
