Новости-Грузия-ի փոխանցմամբ՝ Վրաստանում փրկարարները «լեռնային գերությունից» ազատ են արձակել ռուս լեռնագնացներին: Ռուսաստանի 4 քաղաքացիները 6 օր գտնվել են Սվանեթիի լեռներում և չեն կարողացել դուրս գալ այնտեղից: Լեռնագնացներին ուղղաթիռով տեղափոխել են Մեստիա:
Լեռնագնացներից մեկը վնասել է ոտքը և ներկա պահին գտնվում է հիվանդանոցում: Նրա կյանքին վտանգ չի սպառնում: Մյուս երեք լեռնագնացներն իրենց նորմալ են զգում: Ռուս լեռնագնացները Սվանեթիի դժվարամատչելի լեռներում ընկել են ձնահյուսի ու քարաթափման տակ և 6 օր շարունակ չեն կարողացել ինքնուրույն դուրս գալ տվյալ տեղանքից:
Նրանց փրկարարական աշխատանքներում վրացական կողմը ներգրավվել էր ավելի քան 60 փրկարարի:
