ՌԴ Քննչական կոմիտեն կասկածում է, որ Քսենիա Սոբչակը կարող է իր գումարներով հովանավորել զանգվածային անկարգությունները: Հենց այսպես, ինչպես հաղորդել է հաղորդավարուհին իր Twitter-ում, գերատեսչության ներկայացուցիչները բացատրել են, թե ինչու նրան չեն վերադարձնում շուրջ 1.4 մլն եվրոն, որոնք հայտնաբերվել էին խուզարկության ժամանակ:
Սոբչակը պատրաստվում է վերադարձնել քննիչների առգրավված փողերը դատարանի միջոցով: Դատական նիստը սկսվել է հուլիսի 26-ի առավոտյան, իսկ որոշումը դատավորը կկայացնի այսօրʽ ավելի ուշ:
Հաղորդավարուհու կարծիքով` Քննչական կոմիտեի բացատրությունը, թե ինչու իրեն չեն վերադարձնում փողերը, չունի իրավական հատուկ հիմքեր:
Հաղորավարուհու, ինչպես նաև այլ ընդդիմադիրների բնակարանններում խուզարկություններ էին կատարվել հուլիսի 11-ին: Ավելի քան 100 ծրարով փողերը հայտնաբերվել էին Սոբչակի չհրկիզվող պահարանում: Դրանից հետո հարկային ստուգումներ էին կատարվել Սոբչակի դրամական միջոցների նկատմամբ:
Անձամբ հաղորդավարուհին պնդում էր, որ հոնորարները պահում է տանը, քանի որ չի վստահում բանկերին:
