Ասիական ֆոնդային բորսաներն այսօր բացվել են տարբեր ուղղվածությամբ` Չինաստանի էկոնոմիկայի աճի տեմպերի նվազման ֆոնին: Այս մասին հայտնում է BBC-ի ռուսական ծառայությունը:
Հոնգկոնգում Hang Seng ինդեքսը բարձրացել է 0,9%-ով: Իր հերթին, հարավկորեական KOSPI-ն կորցրել է 0,03%, իսկ Չինաստանի Shanghai Composite-ն նվազել է 0,8%-ով:
Ավստրալիայի հիմնական ինդեքսը` S&P/ASX-ը, աճել է 0,7%-ով:
Ճապոնիայի բորսաները երկուշաբթի փակ էին ազգային տոնի կապակցությամբ:
Չինաստանի իշխանությունները նախօրեին հայտնել էին, որ ՀՆԱ-ի տեմպերը երկրորդ եռամսյակում ամենացածրն էին վերջին 3 տարում:
Չինաստանի Պետխորհրդի նախագահ Վեն Ցզյաբաոն հայտարարել էր, որ երկրի էկոնոմիկայում դժվարությունները որոշ ժամանակ կշարունակվեն:
