Միխայիլ Գորբաչովը` խորհրդային նախկին վարչապետը (այսպես է նշված տեքստում), ով 1980-ականերին դուրս բերեց ռուսական զորքերը Աֆղանստանից, զգուշացրել է ՆԱՏՕ-ի անդամ երկրներին, որ հաղթանակն անհնար է:
Պրն Գորբաչովը նաեւ հայտարարել է, այսօրվա խնդիրների համար ողջ պատասխանատվությունը կրում է ԱՄՆ-ն, որն ուսուցանում էր Սովետական Միության՝ Աֆղանստանից քշած մոջահեդներին: Երբ նրան ուղիղ հարց տվեցին սրա վերաբերյալ, խորհրդային նախկին առաջնորդը պատասխանեց. «Հաղթանակը Աֆղանստանում անհնար է: Օբաման ճիշտ է վարվում, երբ դուրս է բերում զորքերը: Որքան էլ դա դժվարին լինի»:
Պատասխանելով խորհրդային զորքերի դուրս բերման վերաբերյալ Գորբաչովի մշակած պայմանագրի վերաբերյալ հարցին՝ նա պատասխանել է, որ «ամերիկացիները միշտ ասում էին, որ աջակցում են դրան, բայց միաժամանակ ուսուցանում էին գրոհայիններին՝ նրանց, ովքեր հիմա ահաբեկում են Աֆղանստանն ու Պակիստանի շատ շրջաններ»:
«Այնպես որ Միացյալ Նահանգներին դժվար կլինի դուրս գալ այս իրավիճակից»:
ՆԱՏՕ-ի անդամ երկրներն արդեն հրաժարվել են իրենց նախկին ծրագրերից` երկրում ամուր ժողովրդավարություն հաստատելու վերաբերյալ եւ հիմա ձգտում են հաստատել կայունության նվազագույն աստիճան, որպեսզի այդ երկիրը նորից չվերածվի Ալ-Ղաիդայի բազայի:
Գորբաչովը Աֆղանական պատերազմը համեմատել է եւս մեկ պատերազմի հետ. «Ո՞րն է այլընտրանքը, եւս մեկ Վիետնա՞մ: Ուղարկե՞լ կես միլիոն զինվոր: Դա չի աշխատի»,- ավելացրել է նա:
Նախագահ Օբաման հայտարարել է, որ ամերիկյան զորքերի դուրսբերումը կսկսվի հաջորդ տարվանից: Մինչդեռ Բրիտանիայի կոալիցիոն կառավարությունը պարտավորություն է ստանձնել դուրս բերելու բրիտանական զորքերը, որոնք Աֆղանստանում իրականացնում են մարտական հերթապահություն, մինչեւ 2015թ.:
Զորքերի դուրս բերման հայտարարությունները երկու երկրներում արվել են համապետական ընտրություններից առաջ, իսկ այս ամենն ապացուցում է, որ պատերազմը ժողովրդականություն չի վայելում: