OPEC-ը մինչև այս տարեվերջ անփոփոխ է թողել նավթի արդյունահանման համար սահմանված ներկայում գործող քվոտաները՝ 30 մլն բարել օրական:
Այս մասին հայտնել է կազմակերպության ներկայացուցիչը՝ OPEC-ի համաժողովի 161-րդ նստաշրջանի ավարտին հրավիրված մամլո ասուլիսում:
Ներկայում OPEC-ի անդամ երկրներն ամեն օր նավթի համաշխարհային շուկա են դուրս բերում շուրջ 31.6 մլն բարել նավթ:
Այդ ծավալի գրեթե մեկ երրորդը բաժին է ընկնում Սաուդյան Արաբիային, որն իր սեփական գնահատականների համաձայն՝ ընթացիկ տարում նավթարդյունահանման ծավալներն ավելացրել է օրական մինչև 10 մլն բարելով:
Շուկայի հագեցվածությունը գլոբալ կոնյունկտուրայի վատթարացման ֆոնին հանգեցրել է նավթի գնանկման:
Մարտի կեսին OPEC-ը նավթային զամբյուղի 1 բարելը, որը բաղկացած է կազմակերպության բոլոր՝ նավթի 12 հիմնական արտահանման տեսակներից, էժանացել է՝ 125 դոլարից հասնելով 95 դոլարի: Այս մասին տեղեկացնում է ITAR-TASS-ը:
Դրա հետ կապված՝ OPEC-ի որոշ երկրներ կոչ են արել Սաուդյան Արաբիային կրճատել նավթարդյունահանման ծավալները ու դրանով իսկ օգնել նավթի գների կայունացմանը՝ 1 բարելի դիմաց 100 դոլար սահմանագծում, ինչն այսօր ձեռնտու է թե՛ արտահանողներին, թե՛ հումքօգտագործողներին:
