Press TV-ի փոխանցմամբ, Իրանի մաքսային ծառայության ղեկավար Արդեշիր Մոհամադին հայտարարել է, որ Իրանը շուտով կվերածվի բենզինի խոշոր արտահանողի` չնայած Արևմուտքի կողմից կիրառվող պատժամիջոցների:
«Իրանցի մասնագետներին հաջողվել է հասնել նրան, որ արդեն սկսել ենք այն արտահանել Աֆղանստան, Հայաստան և Իրաք»-, ասել է Մոհամադին: Նա ասել է, որ այս տարի առաջին անգամ հաջողվել է ապահովել սեփական շուկայի պահանջները և նախադրյալներ ստեղծել բենզինն արտահանելու համար: Մոհամադին նաև հայտնել է, որ Իրանի իշխանությունները նպատակ ունեն դառնալու ամենաշատ բենզին արտահանող երկիրը:
Այս տարի Իրանն արդեն արտահանել է 36 մլն դոլարի նավթ, իսկ Իրանի արտաքին առևտրի հաշվեկշիռն այս տարի ավելացել է 8.5 մլրդ դոլարով` հասնելով 44.017 միլիարդի եւ արձանագրելով 24% աճ անցած տարվա նույն ժամանակահատվածի համեմատ: