Քնեսեթի խոսնակ Ռեուվեն Ռիվլինն այսօր ասել է, որ երեքշաբթի օրը կայանալիք խորհրդարանի հատուկ նիստը, որը նվիրված է մոտ 100 տարի առաջ թուրքերի կողմից իրականացված Հայոց ցեղասպանությանը, ոչ մի կապ չունի Թուրքիայի հետ ներկայիս վատ հարաբերությունների հետ:
Ինչպես հաղորդում է The Jerusalem Post-ը, Ռիվլինն ասել է, որ Հայոց ցեղասպանությունը պատմության ողբերգական մասն է, որի մասին պետք է աշխարհն իմանա, որպեսզի դա չկրկնվի
Ռիվլինը որոշել է ամենամյա իրադարձությունն առավել պաշտոնական դարձնել՝ խնդրին հատուկ օր նվիրելով Քնեսեթում, այլ ոչ թե այն քննարկել երկուշաբթի կամ չորեքշաբթի օրերին, երբ օրենսդրությունն է քննարկվում:
