Եգիպտոսում գործարկվել է Twitter միկրոբլոգերի կայքի նոր ծառայությունը` «Խոսիր Twitter-ի հետ», որը թույլ է տալիս այդ երկրի բնակիչներին ձայնային հաղորդագրություններ փոխանցել հեռախոսի միջոցով:
Դրանով ընդդիմությունը փորձում է կազմակերպչական այլ միջոցներ գտնել, քանի որ արդեն մի քանի օր է, ինչ անջատվել է ինտերնետ կապը: @speak2tweet միկրոբլոգում հնարավոր է լսել բոլոր ձայնային հաղորդագրությունները, որոնք թողել են եգիպտացիները Twitter-ի կողմից նշված համարի վրա:
Մենք արդեն տեղեկացրել ենք, որ հունվարի 28-ից երկրում անջատվել էր հեռախոսային և ինտերնետ կապը: Ինտերնետ կապը երկրում չի վերականգնվել, հեռախոսակապը գործում է ընդհատումներով: