Երգչուհի Մադոննան ներկայացրել է իր առաջին օծանելիքը, որը, ինչպես ինքն է հայտնում, արդեն 15 տարի շարունակ փորձում է ստեղծել:
Associated press-ը հաղորդում է, որ երգչուհին Նյու Յորքի Macy’s հանրախանութում ներկայացրել է իր օծանելիքը, որը կոչվում է Truth Or Dare: Մադոննան ասել է, որ 15 տարիների ընթացքում չի կարողացել ստեղծել իր օծանելիքը, քանի որ չէր ստացվում այն բույրը, որն ինքը ցանկանում էր:
Աշխարհահռչակ երգչուհին ասել է, որ խնդիրներ են առաջացրել նաև նրա ցանկությունները, որոնք կարող էին շատ թանկ արժենալ: Նախկինում իր ստեղծած բուրմունքներից մեկի բաղադրիչներից մեկը Հնդկաստանից բերելու համար նա ստիպված էր լինելու միլիոնավոր դոլարներ վճարել, և այդ պատճառով այդ օծանելիքը երբեք չի արտադրվել: Բայց վերջապես երգչուհին գտել է իր բույրը և ուրախ է, որ կարող է այն ներկայացնել բուրմունքների սիրահարներին:
