Ռուսական Интерфакс լրատվական գործակալության փոխանցմամբ` Վաշինգտոնը հուսով է, որ Իրանի և «Վեցյակի» միջև բանակցությունների հերթական փուլը տեղի կունենա հաջորդ շաբաթ: Այս մասին հայտարարել է ԱՄՆ պետդեպարտամենտի պաշտոնական ներկայացուցիչ Մարկ Տոները.
«Պետք է նշել՝ մենք դեռ հույսեր ունենք, որ այդ բանակցությունները տեղի կունենան հաջորդ շաբաթ: Սակայն անկասկած գոյություն ունի շտապելու որոշակի աստիճան»:
Հիշեցնենք, որ «Վեցյակը» 2003 թվականից սկսած՝ ԱԷՄԳ-ի հետ մեկտեղ փորձում է հասնել Իրանում ուրանի հարստացման աշխատանքների դադարեցմանը։ Իրանի և «Վեցյակի» միջև բանակցություններն ընդհատվել են 2009 թվականին, երբ ԱԷՄԳ-ի ղեկավար խորհուրդը Իրանին դատապարտեց ուրանի հարստացման երկրորդ գործարան կառուցելու համար։
