Իրանական IRNA լրատվական գործակալության փոխանցմամբ՝ իրանական Քիշ կղզուց 6 մղոն դեպի հարավ-արևմուտք վթարի է ենթարկվել Սաուդյան Արաբիային պատկանող բեռնանավը, որը ստացած վնասվածքների և շարժիչի խափանման պատճառով սկսել է խորտակվել:
Սակայն իրանական նավերը կարողացել են սաուդյան նավը հասցնել մինչև Քիշ կղզու նավահանգիստ՝ նախքան այն լիովին ջրասույզ կլիներ: Բացի այդ, իրանական կողմին հաջողվել է փրկել նավի 5 հոգանոց անձնակազմին:
Կղզում սաուդյան նավը վերանորոգվել է, որից հետո այն բարեհաջող հասել է նշանակման վայր:
