Դեկտեմբերի 31-ին Հայաստան Քաղաքական Ֆորումը հրապարակել է զեկույց «Հայաստանում բնապահպանության իրավիճակը» թեմայով: Զեկույցը ներկայացնում է Հայաստանի առջև ծառացած բնապահպանական խնդիրները և ուշադրություն հրավիրում ներկայիս իրավիճակի լրջության վրա: Զեկույցը հրապարակվել է որպես ուղեցույց` լուծելու բնապահպանական խնդիրները, որոնք անմիջականորեն կապված են երկրի զարգացման հետ: Հրապարակման մեջ քննարկվում է նաև կոռուպցիան և բնապահպանական ակտիվիզմը: Համաձայն զեկույցի` բնապահպանական կառավարման բարելավման համար անհրաժեշտ է քաղաքական որոշումների թափանցիկություն և հանրային մասնակցություն դրանց կայացմանը, ինչպես նաև գործող բնապահպանական օրենքների էֆեկտիվ կրառում: Զեկույցում ներկայացվում են Թեղուտի լեռնահանքային գործողությունները որպես օրինակ, որտեղ կարիք կա շտապ քաղաքական փոփոխությունների և օրինական միջամտության: Աշխատության առաջին մասը ներկայացնում է շարժառիթները, որոնք ընկած են Թեղուտի խնդրի հիմքում: Երկրորդ գլուխը պատմական ակնարկ է խորհրդային ժամանակաշրջանում առկա բնապահպանական իրավիճակի, ինչպես նաև անկախության վաղ տարիներին առաջացած խնդրիների մասին: Երրորդ գլուխը քննարկում է բնապահպանական ներկա սպառնալիքները: Զեկույցի չորրորդ մասը Թեղուտում հանքաարդյունաբերական գործողությունների մանրամասն ուսումնասիրություն է: Վերջին` հինգերորդ գլուխը ներառում է Թեղուտի դեպքի վերլուծությունը: Զեկույցը հասանել է www.pf-armenia.org/reports էլեկտրոնային հասցեում:
Հայաստան քաղաքական ֆորումը անկախ հասարակական կազմակերպություն է` ուղղված Հայաստանի տնտեսական զարգացման և ազգայի անվտանգության ամրապանդմանը և այդպիսով հանրային քաղաքականության ձևավորմանը Հայաստանում: