Ինչպես հայտնում է Tehran Times-ը, Իրանն ու Հայաստանն ազատ առեւտրի պայմանագիր կստորագրեն Հայաստանի վարչապետ Տիգրան Սարգսյանի` Թեհրան կատարելիք այցի ընթացքում: Տիգրան Սարգսյանն Իրան է մեկնում այսօր: Հայաստանի էկոնոմիկայի նախարար Ներսես Երիցյանի եւ Իրանի առեւտրի նախարար Մեհդի Ղազանֆարիի հանդիպման ժամանակ կողմերը քննարկել են երկկողմ առեւտրի ծավալների մեծացման հարցը, որի վերաբերյալ իր առաջարկները Թեհրանը ներկայացրել է 2009թ. օգոստոսին:
Հայաստանի արտաքին առեւտրաշրջանառությունը, ըստ թերթի բերած տվյալների` կազմում է $ 3 մլրդ դոլար, որից 10%-ը` մոտ $ 300 մլն, բաժին է ընկնում Իրանին: Ապրանքաշրջանառությունն ըստ իրանական օրացույցի (սկսվել է 2010թ. մարտի 20-ին)` առաջին 4 ամիսների ընթացքում կազմել է $ 45 մլն, որից իրանական արտահանումը Հայաստան կազմել է $ 31 մլն: